【莫家強】新產品推出,叫「界內證」

今日會有新產品推出,叫「界內證」,我諗大家喺新聞都有聽過。 我自己其實相當期待呢隻產品。 熟識期權既朋友,簡單解釋,界內證基本上就係做哂兩邊Credit Spread,收時間值。但呢個策略,用期權做的話,要做「四隻腳」,缺點係開倉、平倉會好唔方便,買賣費用都會好貴。 不過,假如啲界內證出得靚,咁我哋就會有啲嘢可以做到。最低限度,我哋可以一邊揸住啲股票,一邊再用界內證製造時間值收入。 等隻證出咗,睇埋實際情況,有機會我再同大家講呢隻產品玩唔玩得過。 至於個市,無乜特別補充。大市成交繼續超少,反映資金流走問題嚴重。而恒生指數,亦自從6月19日後就一直維持窄幅上落。似乎,除非中美談判再有重大消息出現,否則呢種悶市格局將會持續。 而呢啲市,最好就係用嚟收時間值。市況有變,要轉策略,再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 恒生指數既阻力位 28800至29100點

之前講過,恒生指數既阻力位,大概喺28800至29100點。以近日港股既表現去睇,恒指的確有機會上試呢個水平。但要徹底長線轉跌為升,我相信機會唔大。 港股,可以繼續用期權收住時間值先。有錢賺,就可以用呢啲錢買落啲強勢美股度。呢個就係我依家既玩法。 美股,實在比港股強太多。例如係Microsoft,年初既今,股價經已上升36.75%。Paypal(PYPL),再跑贏少少,升43.77%。Mastercard,表現更佳,能夠升48.09%。如果夠膽玩規模細少少既科技股,Shopify(SHOP),升134.03%。 鍾意穩陣,可以揀公用股,當然股價升勢唔會有咁勁,但例如係Nextera(NEE),都升到22.98%,回報一啲都唔失禮。 以上呢啲,都係好優質既公司。除咗潛力股Shopify變數較大之外,其餘幾隻,只要股災一日未出現,佢哋既股價好大機會能夠一路升上去。 有啲朋友,始終都係怕高,唔敢買呢啲股票。以下試下可唔可以改變大家既諗法。 第一, 記住呢句說話 ─ 平嘢無好,好嘢無平。 優質既股票,好少會長期平賣。相反,長期平賣既股票,好少會係好嘢。 第二, 用喺市場賺返嚟既錢去買。 期權,有一啲策略,係可以俾我哋好穩定咁,每月賺取現金流。就用呢啲每月賺返嚟既錢,買強勢股啦。 美股有一樣最好既嘢,就係你可以一股股咁買,入場費勁低。所以,就算用每月賺既時間值嚟買,你都仲可以分散買幾隻。 配合期權同股票,就可以製造到一個輕鬆、贏面大,潛在回報又唔錯既策略。 只要美股牛市繼續運行,幾個月後,我相信利潤都會相當理想。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 唔好一開市就斷定市況升跌

我成日都講,唔好一開市就斷定市況升跌。否則,你會成日早招。 最好俾少少耐性,等埋「十點半」,中招既機會就會減低。 港股,我認為暫時仍要大舉開淡倉既時候。個人倉位,仍會以收取時間值既策略為主,務求做到升跌市都能夠賺錢。直至將來大市走勢變得明朗,先會考慮轉換策略,到時再update大家。 但無論如何,比較兩地股市,美股肯定會比港股強好多,同穩陣好多。未來幾個月,我相信美股仍會繼續跑贏港股。好多一直破頂既強勢股,應該仍會有好大既上升空間。 不過,初學美股既朋友要注意,美股投資者係非常重視股票既基本因素,同埋業績。一隻中型股票,業績好,股價可以單日升兩成以上。同樣地,業績唔好,都有機會跌兩成以上。呢樣嘢,大家要識處理。 另外,有朋友擔心,開始多咗以前唔玩美股既朋友,都開始轉玩美股,會唔會代表美股升勢已經去到差唔多? 個人估計,美股牛市將會於兩年內完結。但確實時間,無謂去估,因為無人會估到,重點係你有無方法可以喺跌市初期離場,然後從此遠離風險。 我可以好肯定咁講,如果你係跟足方法去玩,喺個市升緊既時間買,而到他日跌穿止蝕、止賺位既時候肯離場,咁你玩美股既風險,一定唔會太高。 點先係高風險? 就係你今日唔買,再升又唔買,直至啲股票喺好高位回落時你先去買,你所冒既風險肯定會大好多。但偏偏好多散戶,就係鍾意等啲股票喺好高位回落時買貨,呢樣,又係中招既原因。 總之,記住四隻字,順勢而行。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 強勢股,繼續揸住就啱架喇

有朋友問,今日點解升咁多?你睇下啲牛熊資金流,就會明白。 噚日,熊證相對期指張數增加咗過千張,而牛證則減少,加上外圍又升,就造就咗今日既升市。早兩日話,大市有機會反彈,好喇,依家反彈咗,講吓下一步點部署。 恒指阻力位,大概喺28800至29100點水平,未到呢個位前,阻力唔算大,如市場氣氛繼續正面,指數應該仲可以再升少少。 到升到去阻力位,就留意以下幾樣嘢: 1) 大市成交。呢個係有無資金重投股市既指標。睇住喺升市既日子,會否見到有900億以上成交。無,個市喺阻力位之上好難企得揾。 2) 升跌股票比例。今早,有785隻升,573隻跌,唔算好理想,但都唔算差。但如果之後既升市,又變返跌既股票多過升,咁就代表大市既根基無乜改善。 3) 早兩日講,港股有機會短暫跑贏美股,今日,勉強都算。但往後,如果又見美股升而港股不升;或美股小跌而港股大跌,咁樣,又係要小心。 4) 留意住熊證有無補充。有補充,就容易挾多啲。 簡單而言,繼續睇恒指會有反彈,到阻力位再考慮能否加淡倉。到時再update大家。 而美股,就真係靚仔。好多強勢股,噚晚又再破頂。揸住呢啲破頂股既朋友,繼續揸。有好既股票,都要你有耐性,先會賺到大錢。 總之,呢啲強勢股,繼續揸住就啱架喇。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 「10點半」過關,恒指有機再升。

「10點半」過關,恒指有機再升。但噚晚拍片講過,最理想既情況應該都只能升到28800至29100點,仲要未必到,博唔博,大家自己考慮。 我自己無博,第一,雖然估到有機會反彈,但實質操作要賺到錢,唔係咁易。第二,係無必要博。因為,有跟住買美股既朋友就會知道,兩隻信用咭股,噚晚股價又再破頂。 港股,上升空間唔會太多,但美股,只要你揀啱股票,股價我相信仍會不斷破頂。而做到兩個市場既強弱差距,原因好簡單,就係企業既盈利前景。 港股,keep住都有股票出「盈警」。對於出盈警既企業,我會特別留意管理層既講話。如果你條數已經唔靚,而我又聽唔到你有啲咩實質方法,可以令公司走出困局,咁隻股我覺得已經係certified。 我預期,呢類股票,喺港股將陸續有嚟。 相反,美股,好多股票既業績仲係好靚。 無錯,整體美股估值已經唔平。但有個concept大家絕對要攪清楚。估值平貴,一邊係睇股價,一邊係睇盈利前景。有盈利前景既股票,股價就算一直升,都可以係唔貴;無盈利前景既股票,股價就算無升過,都可以係貴。諗得明呢點,你揀既股票就會唔同,而你既投資回報就會反映。 我知身邊有朋友開咗港股淡倉,不妨食吓糊先,等高位再做。對於港股,中線未跌完既睇法,仍然未變。 美股,不斷破頂嗰啲股票,要耐心一直揸住。有靚股,無耐性,你都唔會賺到大錢。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】期權短評 – 有無人有留意過去五日牛熊比例既變化?

  有無人有留意過去五日牛熊比例既變化? 牛熊證數據,其實睇邊間發行商既網站,都無分別。只不過係,有一啲發行商喺presentation上會做得好啲。而我自己,會比較鍾意睇瑞信。原因,係佢有過去5日既數據變化,會更容易俾我哋睇市況既變化。 根據數據,過去5日,牛證其實都係持續多於熊證,顯示大市睇好既人多,睇淡既人少。呢個亦可能都係造就最近市況下跌既原因。但情況自噚日起,開始有啲轉變。 雖然,牛熊比例既數字再度上升,但留意,不論牛證熊證,相對期指張數都係下跌。即係話,牛熊比例上升,唔係因為多日人買牛,而係有買熊既資金食糊走人。 高位避咗跌市既朋友,可以考慮博短線反彈。出手,可留意以下幾點: 1) 牛證會否再有補充?無,當然會稍有利反彈出現。 2) 坊間對市況論調會否轉淡。轉淡,當然會有利反彈出現。 3) 港股,會否開始有短暫跑贏美股既情況出現? 事實上,過去幾日,我哋都見到港股一直跑輸美股。美股升,我哋唔升。美股少跌,我哋大跌。但如果喺一段短時間內,情況逆轉,都唔係無可能。 但博唔博,大家睇情況自己考慮啦。 不過,我對港股中長線既睇法,仍然無變。港股,現時最大既困局,係不斷有資金流走。除非此現象有變,否則反彈完都係會再跌。 如果真係想睇長升,都係睇美股好啲。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】期權短評 – 港股,我一早已一股不留

我諗大家都估到我想講咩。 首先,唔好對港股抱有期望。跌咗咁多,短期有反彈出現絕不出奇,但要徹底轉跌為升,機會好微。 識我既朋友都知,港股,我一早已一股不留。原因,已經寫過好多次,恕今日唔再重覆。 但唔買港股,可以轉買美股。過去半年既推介,如果大家有跟,我相信表現應該絕對無令大家失望。 「但升到咁高,仲買唔買得?」 我認為仲買得。不過,有兩件事要注意。第一,要揀啱股票。美國有一部份股票,的確已經轉弱咗。然而,有好多、好多其他股票,係完全無見頂跡象,股價仲一直keep住破頂。買,就要買一啲有基本因素支持既強勢股。 第二,要順勢而行,他日大市如有出現股災跡象,所有股票都要果斷離場。切記,幾好既股票,去到股災,股價都會大跌,包括公用股。 但記得一句說話嗎?上帝要你滅亡,必先令你瘋狂。 美股過去十年,唔同港股,牛市結構非常完整,未來要出現一個非常急勁既最後升浪,絕對幾出奇。如果我估得啱,呢啲強勢股可能都會升到癲哂。 但我想同大家講,博之前,最好做足功課,要先知道牛三係咩既一回事。一知半解咁去博,賺唔到錢之餘,仲會好危險。 不過,無論如何,如果你隻美股仲係一直破緊頂,就記住,要一直揸穩。假如真係有最後升浪出現,都要你有耐性,先可以賺到大錢。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【紅猴股評】彌明生活百貨(8473)是否增長股?

彌明生活百貨(8473)在香港以「mimingmart」(「彌明生活百貨」)品牌經營零售店及網店,代理及出售不同種類的美容及健康產品,2018年2月於創業板上市。投資組合主力增長股,加配高息股下,此股是否符合目標? 先看看過往業績,上市後公布兩份全年業績,一份中期業績,加上上市文件,我做了財務分析摘要(在此文章底部)。看上月尾公布的至今年3月年度業績,收入按年升21%,毛利按年升25%,不過下半年的按年升幅皆低於上半年。因去年度涉及上市開支,可看撇除非經常性收益之除稅前溢利,全年按年升57%,下半年的按年升幅則高於上半年,源於下半年的銷售開支佔收入明顯下跌。 不少人有印象彌明生活百貨是靠創辦人袁彌明於Youtube做推廣而起家,不過千萬不要誤會公司是一個網店,事實上去年度收入佔90%來自實體零售店,現有十間零售店分布於全港各區。有時經過其分店,也不會見到有很多人光顧,甚至不少情況只有店員,但並不代表業績失真,只可說所銷售產品沒有如Fancl或innisfree等受歡迎牌子般火熱,經營模式也非一樣。 再看多些,根據過往數年業績,集團收入及毛利按年升幅平均在20+%, 而撇除非經常性收益之除稅前溢利,之前兩個年度變動卻不大,並未見高增長的勢頭,去年度業績增長較明顯,未來又能否維持?最新業績提到未來發展主要透過以下方法 – 透過增設零售店及翻新現有零售店擴大零售網絡 – 擴大產品組合及發掘新供應商 – 翻新網上商店及採用更多主流媒、將網站轉型為生活資訊網站、透過增加及發掘更有效的網上營銷策略 – 加強營銷策略完善及整合系統 集團業務點暫時會在香港,可做國內遊客生意,但暫不易到國內開分店,未來擴展上已有了局限。主打的護膚品及化妝品市場競爭激烈,需要獨家代理,毛利率較高的品牌有獨特性,才可保持競爭優勢,此點是否成立,我非行業專家,需再作了解。營銷方面,現今網紅百花齊放,已非香港第一代Youtube網紅袁彌明於那年代般較易突圍而出。簡單而言,增長股需求的護城河似乎未見明顯。 不過,集團財務健康,存貨水平合理,營運現金流理想,去年度股東權益回報率(ROE)達23.8%,去年度尾零負債,淨現金約1億港元。於此背景,去年度派息比率約60%,每股派息$0.015,以現價$0.295計,息率約5.1%。我暫時未有足夠信心集團擁有作為增長股需要的護城河,因上市只年多,派息政策亦未穩固,所以認為此股暫未達增長股或高息股的要求,若有信心較慷慨的派息政策能維持,小注買入持續觀察其未來會否成為增長股,也是可考慮的策略。      (利益申報:筆者為持牌人士,於執筆時,筆者或相關人士或客戶,沒有持有上述股票) (以上純屬個人研究心得分享,並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)  

Read more

【莫家強】期權短評 – 港股流走既情況都幾嚴重

大市成交,今早只有318億元。呢個數,係今年新低,亦顯示資金從港股流走既情況,都幾嚴重。 仲有無得升,唔知道。因為,愈細成交,代表大戶愈容易可以將個市舞高弄低。但如果短期內,個市真係被挾上去,而成交又無顯著增加的話,我會加淡倉。 但無論如何,港股既中長線前景,我完全唔睇好。 另外,李小加好自豪咁話,要帶阿里巴巴同百度嚟香港。阿里巴巴都仲好啲,百度?帶返嚟做乜嘢? 點解咁講? 你睇吓百度既股票圖,就已經可以想像到間公司有幾大件事。有興趣睇埋佢既業績,你會更加擔心佢既前景。呢啲股,拜託,真係唔好嚟香港。 如果大家想買科技股,我建議,你去買美國既科技股。喺百度股價大跌既呢一年間,好多美國科技股都keep住破頂。 唔識揀,就分散買幾隻最大,又喺過去幾個月不斷破頂既科技股。識揀,會有上升潛力更大既選擇。 但記住,股價永遠都係強者愈強、弱者愈弱。百度,雖然股價由高位已經跌超過一半,但唔好因為咁樣而買佢。佢跌咁多,係有原因。 不過,唔好花太多時間去研究百度喇,無乜意思。係研究,都研究一啲有上升潛力既股票。 好多優質既科技股,股價雖然已經升咗好多,但你如果細心研究,你就會知佢哋升咁多,亦係有原因。而且,佢哋既盈利增長,有排都唔會到頂。 玩美股,我既做法好簡單。如果美股市場出現股災跡象,幾好既股票,我都會走清。但一日未有觸發股災既條件,呢啲上升既好股,我會一直揸穩。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 真係仲應該對港股有期望嗎?

  又一次,美股上升,當你以為應該會帶動到港股向上,sorry,又係升唔起。應升唔升,我一直都講,係對後市一個頗差既一個訊號。港股既前景,我唔會睇得太好。 相反,美股既升勢,大家應該有目共睹。G20後,基本上係一路升,無停過。當然,今晚美股一定唔會再升,因為係獨立日假期休市。但中線去睇,好多強勢既美股,我相信,仍然有好大既上升空間。只不過,你要揀啱股嚟買。 我自己既策略,噚日都寫過。美股,一直破頂果啲,要耐心揸落去。幾時走?等有股災跡象先走。 如果你揸既我推介既藍籌股,就更加唔使驚。 因為,好大機會,喺美股步入股災前,會先有一個好勁既升勢。升完,再回落,只要你既方法、心態都tune得好,到時好大機會仲會係賺住錢走人。 至於港股,繼續賺住時間值先。賺完啲時間值,就用嚟買美股。美股最好,可以一股一股咁買,入場費低,可以容許你咁做。用呢個方法,一直work得好好。等港股市況有變,再睇下有無必要改變策略。到時再通知大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室