【莫家強】有朋友問,穆廸降香港既評級展望,點睇?

有朋友問,穆廸降香港既評級展望,點睇? 幾個層面。首先,講講評級機構市場。 成個世界,基本上係由三間評級機構玩哂。呢三間機構,依排名分別係標普、穆廸,以及惠譽。三間加埋,共佔整個市場份額約95%。 而頭兩位,標普加穆廸,已共同包辦全球市場約80%既份額,同時間,影響力都較大。 事實上,8、9年前,時任內地央行行長周小川已經開口,對三大評級機構既壟斷表示不滿,並謂要培養國內既評級機構。但多年內,毫無成果。標普、穆廸既地位,仍然牢不可破。 簡單講就係,呢兩個機構話你穩陣,你就穩陣;話你唔穩陣,你就唔穩陣。佢哋要降香港評級,根本都唔到香港做任何嘢。 評級降,有咩影響? 最直接,係影響啲債既價值。而將來,假若港府要發債,都要畀更高成本。 就算係你再出iBond、年金呢啲產品,聰明既投資者,都會要求有更高既回報先會購買。將來,起橋、鋪路、起機場跑道,要賣債集資,成本都會增加。影響,絕對唔細。 今日林鄭話唔同意穆廸降展望,其實係一個非常愚蠢既答法,即係話畀國際既評級機構聽,佢仲未知個問題出喺邊度。 今次,穆廸只係降展望,但評級,遲早下調。到真係降評級,影響就唔會咁細。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】期權短評 – 首天出每週指數期權

今日,第一日出每週指數期權。 十點前,完全無莊家開價,好明顯港交所自己都未準備好。到咗10點後,終於有價,但開價質素仍然同原有既指數期權有一段距離。接近「等價」位既期權,買賣差價達到10%,並不理想。 睇多一兩日,如果開價質素仍然係無改善,大家不如就玩返原本月尾到期既期權好喇。 但如果呢個產品攪得好,對大家嚟講會係一個好好既賺錢工具。 「末日」、「等價」既期權,時間值損秏極快,只要對沖得好,用嚟賺時間值,一流。希望港交所可以做好少少。 至於美股倉,清咗好多化貨,揸緊大量cash。 有朋友問,可以買得返貨未? 我自己,其實每日開市都有做功課,暫時,唔覺得真係極好既買入機會。 SHOP,已明顯轉差,唔好掂。MA,我非常有信心中線會再升,但短線都有危機,都唔會買住。HD,好靚,有貨應該繼續揸,但又未係適合再加注既時候。 至於另外都有啲股票跑緊上嚟,呢幾日,我係忙緊睇佢哋既基本因素。 睇基本因素,係要花啲時間,唔似技術分析咁,set 幾條formula,用電腦scan一scan就攪掂。但呢啲時間,絕對值得花。 一隻股票,如果走勢又靚,基本因素又好,中長線再升既機會好高。兩者缺一,點都爭啲。 再者,沙特油田被攻擊,定有後續事件發生,都要留意住。 但總括嚟講,最緊要都係睇住邊啲股票,喺跌市既時候都唔肯跌,呢啲股票,喺市況回穩後,會有較大機會大升。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】期權短評 – 出好消息而股價跌

出好消息而股價跌,永遠唔係好事。我講既,係港交所。 尋日既財經新聞中,最矚目既一單,一定係港交所提議同倫敦股票交易所合併。 我自己睇完呢單新聞,都心諗:「唔係掛?」 然後,第一個想法係,都算係好消息嚟既。 不過,我經常都講,唔好將焦點都放喺消息既本身,而係要集中睇市場對呢個消息既反應。所以,有朋友問我點睇,我都話最重要係留意今早港交所既表現。 今日,好明顯,市場係睇淡呢件事。同時,亦有大行都出咗報告,話畀大家知,佢哋點解睇淡,有興趣,大家都可以睇吓。 ******************************** 另外,有朋友做咗東亞既Short Call,尋日大市急升,隻股上升,SC倉位都有啲虧損。但今日,指數其實無乜點跌,但東亞既股價,已經打回原形。以下想講兩點。 第一, 造淡一定要計好風險,如果股價挾你一兩日,你已經驚咗,咁即係代表你既風險管理做得唔好,會好易輸錢。而做得好風險管理,唔驚,贏面就會大。 第二, 一隻弱勢股,喺條件無變好既情況下,你要有信心佢一直下跌。只要計好風險,有適當既止蝕位,就可以放心坐啦。 東亞係一隻穩步下跌既股票,由2018年3月開始就一直跌,中間雖試過大反應,但彈完都係會再破底。個人睇法,佢會再跌穿9月初低位既機會好大,計好風險,用啱策略,造淡有值博率。 至於美股,指數升,但好多強勢股都回落。有啲我自己好鍾意,但近日表現轉差既股票,我都沽咗。下一步,要細心觀察啲資金流去邊度。 等我觀察多一兩日,有明確啲既睇法,再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】期權短評 – 有朋友問,點解港股升咁多?

有朋友問,點解港股升咁多? 有消息指,港府會喺回應多一項訴求,唔知真假,但喺指數成份股內,見到升得最多既主要都係有香港業務既股票,話有春江鴨預先知道消息,都唔係無可能。結果如何,拭目以待。 至於美股,尋日節目講過,開始洗牌。有唔少之前最強勢既股票,近日跌勢都好急,穿位要走。例如,Shopify,應該已經要走。 兩隻信用咭股,都可以要注意。呢一兩日,企得穩再上,我甚至會再加注。但相反,如彈唔起再跌,都要走。 至於Home Depot、Nextera 呢啲,完全唔使擔心。特別係前者,走勢好強。呢啲股票,待市況好轉,通常會有相當好既升幅。 港股、美股,都留意住先。有任何特別情況,再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。  

Read more

【莫家強】期權短評 – 恒生指數唔差,但衰股唔少

去完新加坡上堂,尋晚返,無講幾日市,今日寫少少update。 先講港股。 簡單兩句說話總結,恒生指數唔差,但衰股唔少。 恒生指數,已去到接近阻力位,但表現仍然硬淨,加上偶爾日子成交都足夠,唔好唔差,無乜睇法,重點唔放喺度。 咁重點放喺邊度? 揾衰股,開淡倉。 咩叫衰股?三個要點:基本因素差,市升佢唔升,市跌佢跟跌。呢啲股票,喺港股內,為數不少。如夾啱股票期權開價OK,而你又識得點玩的話,不妨開吓淡倉。 你有無買過衰股既經驗?市升佢又唔肯升。到個市跌,以為佢會跌少啲,sorry,佢跌得仲多。個市仲好地地,佢已經跌穿底。偶爾都會有反彈,一日半日都有機會升得唔錯,但無耐又再跌過。呢啲股,買咗,你會好慘。但攞嚟造淡,咪啱囉。 但記住,做淡倉,一定要識得控制風險。Debit Spread 又好,價內SC 又好,識處理風險先好做。 至於美股,情況都幾複雜。 前一個星期推介既Home Depot,升得好靚,繼續揸。靚公用股,又係,無嘢要擔心。兩隻信用咭股,破咗頂先回調,純粹睇一日好似幾肉酸,但節目講過,正常。如能夠企穩再上,無貨可以買,有貨可以加注。 比較令人擔心既,係Shopify。8月30號已經講過,Shopify當時已有整固跡象。過咗個幾星期,有唔少股都有得升,而佢都唔升。到尋日,已跌穿止賺/止蝕位,走啦。隻股升咗咁多,一轉弱,就要走得快,否則真係唔知可以跌成點。 至於文章提過既3隻交易所股票,吼位買。有通道,大家就知咩位出手既值博率最高。 明天介紹班會講更多。報咗名既朋友,到時見。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 東亞銀行、中國中鐵、利豐

有朋友問起,今日,講多少少港股。 先講general rule,都係一樣,買賣股票,想賺錢容易,最好就係揀啲有趨勢既股票嚟做。而喺港股,一定係揾處於下跌趨勢既股票比較容易。 例如係東亞銀行、中國中鐵、利豐呢啲,隻股擺明已經完全唔掂,就算個市好轉,股價反彈完都肯定會再跌。可以長久上升既機會,已微乎其微。用嚟造淡,贏面相當高。 只係,一來,期權開價未必理想,要蝕啲差價。二來,點都好,要識得保障自己,風險一定要管理好,要有exit strategy。但只要計劃好,有機會,真係不妨造淡。 一隻股票,衰起上嚟,跌幾多,跌幾耐,都唔出奇。 同樣地,一隻好股票,只要盈利可以持續增長,股價亦係,升幾多,升幾跌,都無問題。 但要揾股票買,我真係會建議大家買美股。 有興趣既朋友,一陣1:45pm 可留意youtube富昌財經台,美股easy trade 節目,我會講多啲美股既分析。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問

Read more

【莫家強】日本股市既規模已攀升至亞洲第一

日本股市既規模,以國家計,已攀升至亞洲第一,全球第二,僅次於美國。 其他方面,都發展得好好。當中,包括5G。 有一點,大家要留意。4G 年代,最主要既競爭市場,係手機。但我哋都睇到,手機發展以今,仲可以有幾多發展空間?一部手機,仲可以有咩新功能,會令到我哋繼續不斷換機? 唔係無。但你要將手機,連接其他5G 產品。 即係點? 5G 同4G唔同。5G玩既,係一個跨產品既package。 例如,智能車。到時,你可以用手機,或智機耳機,或其他device去揸車。 又例如,智能家居,你可以用任何device,去控制屋企內所有電子產品。 再發展多幾年,我哋肯定會見到更多5G相關既產品。比起4G年代,5G產業既規模,大好多,好多。 4G 既國際市場,日本真係完全miss 咗。好簡單咁講,日本以外既人,有幾多會用日本出既4G手機? 但到5G,我相信,我哋將會用好多日本嘢。日本,喺5G既競爭上,已經跑到好前。 我既睇法係,華為有全球最強既5G網絡技術,但講產品,領先既將會係日本。 日本,已經ready,成為亞洲其中一個最重要既經濟體。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問

Read more

【莫家強】期權短評 – 美股好強

美股好強,道指又升326點。 少少跟進。AWR強到出乎意料之外,揸住既可以繼續揸,但未買想買,就唔好喇。公用股,絕對不宜高追。 道理好簡單。靚既公用股,一年大概可賺15% – 30%。礙於佢哋既業務性質,股價要再升更多,唔容易。 好喇,當呢啲股票,短期內都已經升咗超過10%,咁你依家先追,仲可以有幾多水位?有時,我哋要接受,機會錯失咗就係錯失咗,唯有等下次。NEE,都係一樣,揸住既可以繼續揸,但唔好高追。 相反,如果隻股係屬於增長股,情況啱既話,就可以高追。 例如係SHOP。呢類型既股票,只要間公司踏上到一條揾錢既路,佢未來既盈利就可以增長幾多倍都得。自然地,股價都係升幾多都得。 不過,SHOP短期正在整固當中,大家吼實啦。總之,general rule,升可以再買,但跌要識走。有機會再講。 噚日美股easy trade節目,介紹咗另外一隻股票,可以留意。 至於港股,無乜期望。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問    

Read more

【莫家強】跌咗咁多,抵唔抵買?

剛同朋友講起翠華,佢隻股票,跌足五年。 「跌咗咁多,抵唔抵買?」 呢隻股票,我諗已經係衰到一個點,係大家連以上既問題都唔會問,根本就唔會買。但點解要用呢隻股票做例子。 就係想大家明白一個道理。一隻股票,衰起上嚟,跌幾多都唔會跌夠,跌幾多都唔會變得抵買。如果你係要用執平貨既心態去買股票,你好大機會成個倉位都會買哂呢啲股,一直坐艇坐落去,完全無望返家鄉。 買股,唔好諗住要買平既股票。試吓轉一轉你既諗法,變做買好既股票,咁你既投資回報,就會唔同。 美股,好勁。道指又升。不過要留意,資金有啲換碼跡象,之前升得最多既股,有啲股價開始回軟。相反,有啲之前無升得咁勁既股,又有啲好似想發力。 留意住有邊啲股票可以跑出,升而又有基本因素支持既股票,就放膽開啦。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問    

Read more

【莫家強】期權短評 – 港交所會推出每周指數期權

關於香港市場,最能令我留意既消息,係9月中開始,港交所會推出每周指數期權。即係話,每個星期,我哋都可以有啲即將到期既期權玩。呢樣嘢,絕對係好事。 每周期權,完全唔係新事,美國一早已有,而且運行得好好。有例子跟住做,加上無乜複雜嘢,我相信,推出後唔會有大問題。我自己非常期待。因為有啲喺美國市場好work既期權策略,終於可以搬嚟香港做。 即將到期既「等價」期權,有一個特性,就係時間值會扣減得好快。有每周期權,做啲有時間值收既策略,效果會好好多。 再講美股。 道指跌,但SHOP、NEE、AWR 三隻股,仍然繼續上升。當然,仲有唔少股票,噚日都升。 呢啲升既股票,大家要留意住。記住,股票,一般都係強者愈強,弱者愈弱。咩叫做強?其中一樣就係,個市跌,佢都升。如果呢啲股票係加埋有基本因素支持,只要個市一回穩、上升,股價通常都會升得好靚。 SHOP、NEE、AWR 就係其中三隻,上一次調整後上升既例子。如果錯失咗,今次機會,唔好再揀錯股喇。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問    

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室