【莫家強】期權短評 – 假如博得中,會變成spread又賺

今日做既動作,其實係博緊,恒指4月尾既結算價有機會落喺27200點至28000點之間。假如博得中,會變成spread又賺,Long Put又賺,回報會相當唔錯。   有朋友問,係唔係同上星期之前既睇法唔同咗?   絕對係,特別係經過今日既跌市後,睇法更淡。噚晚FB都講過,如果見到港股有個小反彈之後,再跌,就要好小心。今朝,就正正係出現咗呢個情況。   恒指,係開市之後,升咗無耐就企唔穩。下午再跌,其實都係講緊港股既風險增加咗。   過去試過有誤鳴,大跌完一日,第二日就乜事都無。當然,今次都有咁既機會。所以,我先會建議策略上最好做細注既Long Put。   細注Long Put,錯咗,就輸細細注。但啱咗,由現價計起,直落到27200點,有超過1300點距離,用嚟去沖低位既spread既風險,已經可以起到好好既效果。所以,我無乜點諗,見個市既風險一增加,就加咗Long Put。   最後,總之都係果句,做高勝算策略高遠贏輸既關鍵,係在於風險管理做得好唔好。做得好,賺錢就不成問題。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】個人倉位做咗既操作

今日早少少出post,先講個人倉位做咗既操作,再講睇法。 1) 個人倉位,加咗少量4月到期既Long Put,數量唔多; 2) 用處有二。一來,令低位既spread更安全;二來如果恒指4月底跌至28000點以下結算,會帶來額外回報; 3) 我最「近價」既spread,都只不過係睇4月唔睇穿27200點。換句話說,就算跌到27200點,都仍然係贏錢。大幅跌穿呢個數,先有風險。 4) 有咁遠距離,現價只要做少少Long Put,已可非常有效地保障spread既風險; 5) 假如結算價咁好彩,啱啱去到27200點,變成會spread又賺,Long Put又大賺,會係最理想既既情況; 6) 暫時,我仍然相信恒指4月尾前唔會跌穿27200點。但跌穿28000點,機會增加咗; 7) 細注Long Put,無被挾既壓力,但又令倉位穩陣咗,唔使諗太多; 8) 早行動,效果通常會好好多。 後市走向仍要少少時間觀察。但做咗對沖,更無壓力,可以慢慢分析個市既發展。有特別情況,再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 企得穩 先諗加注

做spread,想穩穩陣陣賺錢,其實好簡單。總之,general rule就係「贏就谷、輸就縮」。 個市一路向好,就可以一路加好倉。一路加,一路賺,回報就已經可以相當唔錯。 但假如個市有轉弱跡象,第一步,我就會停止考慮加倉。 我自己既倉位,只要到4月尾,恒指唔跌穿27200點,就有錢賺。到呢一刻為止,我仍然覺得跌穿以上水平既機會極微。如果跌法有變,會再update大家。 不過,轉變既係,現階段,我已經唔會再考慮加注。 因為,一注27200點既spread,就算個市真係跌,都仲好易守,好易救倉。但如果一直跌,我仲一直加倉,咁防守跌市既能力就會大減。呢樣嘢,可以好危險。 當然,凡事都有兩邊面。若港股能夠喺現水平揾到支持,轉跌為升,我就會吼位再加注。下星期初,再睇吓點。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 呢個市,Long Call唔易賺

今朝早上Now TV 槓桿致勝,講Long Call策略。 Long Call最正既地方,係可以用作以小博大,刀仔剧大樹。道理好簡單,輸最多輸100%,即係擺幾多錢出去,最多就係輸哂,但無論錯成點,都唔會有手尾跟。 相反,贏的話,只要個市升得夠癲,理論上係贏幾多都得。回報率可以係200%、300%,甚至更多。呢個,就係值博率既來源。 不過,有幾點要注意: 1) 做Long Call唔係睇升,係睇大升。分別係,升得唔夠勁,你仍然會輸錢。而升得夠勁,你會大賺。 2) 承上一點,牛皮市或上落市,絕對唔適合做Long Call。 3) 注碼要控制好。我個人覺得最好既玩法係「細注、高槓桿」。咁樣玩,風險會細好多。但如果俾你捉到一個較長既大升浪,過到兩關、三關,回報就會好勁。 最近呢兩日,都有啲朋友問我:「好唔好Long Call?」 其實睇開我寫既嘢,都知我完全唔建議咁做。 恒指,市底唔差,但升勢大概喺3個星期前開始,已經慢咗落嚟。 至於做spread,4月底唔跌穿27200點就可以贏錢,到呢一刻為止,我都睇唔到有輸既可能性。呢個,亦係我揀做spread 既原因。 如果睇法有變,會update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強】期權短評 – 上升股票數目明顯減少

1) 港股市底唔差,大跌機會唔大; 2) Spread,已經賺咗好幾次錢。最新一注睇4月底跌唔穿27200點。暫時睇唔到有可能會輸,如睇法有變再update大家; 3) 不過,市場成交有跡象開始縮減,影響係,升勢會變得「窒吓窒吓」; 4) 另外,上升股票數目明顯減少,更加要「只買強勢股﹞; 5) 小心一啲3月之前,股價就已經回落既股票; 6) 市升、股跌必有因; 7) 嚟緊出既業績好重要; 8) 但記住,有好多人係喺公佈前已經可以掌握到業績好壞。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強 】期權短評 – 竅門就係就贏面調高

今日反彈,好多朋友倉位淨額都創新高。 竅門就係,如果你將贏錢既界線移低,總之4月尾底恒指結算價高過26400點就贏錢,咁你所做既投資決定,就會有唔同。心態上,亦會感覺輕鬆好多。 再係下下升就驚唔夠貨,fear of missing out,迫住高位追貨;跌就驚調整,急忙低位止蝕,咁玩落去唔係辦法。 大家可以,將一部份資金搬去做呢啲高贏面既策面。另外,就揾一啲強勢股長揸。 噚日喺homeblogger拍片,叫大家留意住一啲跌市都唔肯跌既股票。片中提及既914,今日又大升。 當然,識玩美股,仲多更好既股票選擇。 明晚有課堂,會同大家分享投資部署。有興趣既朋友,可到以下連結報名。到時見。 利申:並未持有以上提及股票。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強 】期權短評 – 靜待後市方向

睇朝早十點半,如果都仲係無力反彈,就加少少Long Put。一來做對沖,二來如果大跌,回報會更多。 美股,差不多沽清哂,食糊走人,揸cash先。唔係話睇到好淡,之前做節目拍片同上堂都講咗原因。 港股,更加係無持股。 唔係話睇得好淡,只係揸返啲cash先,等個市有方向再做嘢。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【莫家強 】期權短評 – 繼續留意28500點關口

做spread,三個重點。 第一, 贏面要高,起碼要有8成以上機會贏出,做到9成以上,更好。高贏面有助令回報更穩定。 第二, 風險要能夠控制,唔可以容許有輸大錢既機會。 第三, 要令時間值損秏有利於自己,變成坐喺度,就有錢收。 4月底,只要恒指唔跌穿26400點,就有錢賺。 策略部署,暫時仍係先睇住28500點。短期內跌穿,會考慮加Long Put,一來作保護,二來大跌回報更多。相反,若市況到下週初仍能企穩,就加注好倉。 玩呢個方法,general rule 係個市愈穩,就愈加注,博多啲回報。 今日個市,指數跌唔多,但下跌股票數目好多,呢點要留意。但無論如何,策略已經定好,跟住做就可以。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 等待再加注機會

晚上有課堂,今日長話短說。   跟了開spread既朋友,應該又會睇到倉位有增長。做呢種可以收取穩定回報策略,記住以下三個要點。   1) 贏面要高,最少要做到8成以上勝出率,再高啲更好; 2) 風險要可量度,不能容許有輸大錢既機會; 3) 令時間值損秏對自己有利,變相坐著就能收錢。   市況方面,正如噚日所講,唔差。升幅係較之前減慢咗,但明顯港股市底仍強,就算跌,調整空間都唔會太大。如市況無變,繼續用原有策略收錢就可以。   本週尾或下週初,如有加注機會,再update大家。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 「十點半」見效 港股唔差

知我方法既朋友,都知我有一招叫「十點半」,今日又發揮效果。 港股,市底唔係咁差。的確,升勢係較之前減弱咗,但最重要係成交仍在。小跌有可能,但似乎就算跌,下跌空間都唔會太多。 噚日講咗,4月內睇唔會跌穿26400點,估中就有錢贏。俾自己有個2000點以上既buffer位,做trade會輕鬆好多。 開始聽到一啲大行分析員講話,港股既估值仲係平,但已經唔再係「好平」。亦都可能係呢個簡單原因,港股既升勢都開始減弱咗。不過,升勢仍然未變,所以繼續用高贏面既睇好策略就OK。 另外,會睇住恒指28500點水平。如果跌穿,先再決定要唔要造淡。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室