【紅猴股評】從宏觀指標看資金流向

每天我也會看數個宏觀指標,去估算資金流向。第一個看去一定是美匯指數,需知道2017年美元持續下跌,新興市場股市(包括港股)亦持續上升,2018年美元自第二季明顯轉勢上升,新興市場股市(包括港股)也轉勢下跌。美元自去年11月中便未再破頂,今年1月更跌穿近月支持,新興市場股市有機會受惠資金流入。 那麼看新興市場股市近月走向,以Emerging Markets ETF作代表,股價自12月下旬見底反彈,但未升穿近月阻力。 可是,若只看亞洲貨幣指數,卻已自11月初見底持續回升,明顯較整體新興市場強。事實上,不少東南亞國家的股市亦自11月初見底持續反彈,難得股匯齊升,卻鮮有傳媒提及。 新興市場指數,中國佔比32.7%,佔比第二的印度亦只有8.6%,而印度股市也是自11月初見底持續回升,可見新興市場指數仍未升破近月阻力,中港股市的弱勢可算是主因。為什麼中港股市差不多獨弱?一是近月經濟數據明顯轉差,二是被公認為源頭的中美貿易戰仍持續未了。 不過,美元弱勢的相對影響終傳遞到人民幣,人民幣兌美元剛剛甚至升破自去年8月的阻力位,若轉強勢頭得到確認,有助提升在港上市中國企業及有業務在國內的香港企業估值,加上美國加息預期持續降溫,恒生指數於去年11月可能已做出短期低位。中國政府近日終屈服,放水外逐個行業推出救市措施,現時相對最不明朗仍是中美貿易談判表面看似樂觀,實懸而未決,一談不攏仍足以反盤。 現時要繼續觀察上述宏觀指標走向,尤其是人民幣的走勢,亦需留意中美貿易談判的最新發展。  

Read more

【美股隊長】美股數據王戴維斯 操作金律

轉戰美股,最感恩有無數交易高手,撰寫書籍,不吝分享寶貴經驗、操作心法,讓後學少走冤枉路。除本欄常客「股票金融怪傑」米奈爾維尼(Mark Minervini),以及「美股老黃忠」迪默(Walter Deemer)外,「數據王」戴維斯(Ned Davis),絕對是另一良師。 先介紹其人:戴維斯大學畢業後,於投行JC Bradford & Co.擔任分析員,長達12年。其人目光如炬,分析市場準繩度頗高,備受同行尊崇。唯一美中不足,是荷包「表面風光,裏面陰乾」,多年身家竟無寸盡。何解? 正所謂:愚人有愚人的煩惱,慧者有慧者之罩門。自詡孔明再生、鶴立雞群,驕氣勢必叢生。信念太盛,當劇本不如預期,自尊心作崇,無法快速止蝕離場,小敗惡化為慘敗。加上個人修為不足,火候未夠,常因貪念、懼意,衝動交易。 戴維斯目睹不少行家,亦有類似問題:相中倍升股皇,聲名大噪後,信心過盛,預測益見「堅離地」,出錯時繼續「死撐」,結果倉位如興登堡號飛船,半空化作燦爛火球,極速墮地。《聖經》曰:「凡動刀的,必死在刀下」;戴氏於著作Being Right or Making Money(第三版)中,則自嘆曰:「凡單靠預測交易,必死於(錯誤)預測(Live by the forecast, die by the forecast.)。」 悟通自身罩門後,戴維斯信心大增,深感「工字不出頭」,遂於1980年自立門戶,創辦Ned Davis Research,為一眾基金及財務顧問,提供全面的股市及經濟統計分析。及至1987股災、道指單日下跌逾兩成前一個月,戴維斯已果斷幫客戶清倉離場,避過絕世天劫,威名更上層樓,管理資產由5千萬美元,極速增至3億。行文至此,想諸君必明白,為何隊長撰文推介。 戴維斯親撰「操作九律」,規範員工:首律為「別跟股價鬥氣!(Don’t Fight the Tape!)」,和投機之王李佛摩(Jesse Livermore)名言:「我永不與股價爭辯(I never argue with the tape.)」,如出一轍。戴維斯自創測市模型,逾半成份皆與價格、價格趨勢有關,因此股災時,必不會滿倉持股;碰上大牛市,保證有所斬獲。 戴維斯非常重視道瓊斯工業平均指數,以及道瓊斯交通指數(Dow Jones Transport Average),兩者現價是高於,還是低於200天移動平均線。據Being Right or Making Money一書所載,自1900年以來,如兩者均低於200天線,道指期內平均年回報,為負3.2%;相反,當兩者悉高於200天線,回報遠優於前者,達+11.27%。 該法看似簡單,效果卻不俗。道瓊斯交通指數,實於去年10月10日,已率先跌破200天線,發出警號。道指則於10-11月間,徘徊於200天線;到12月7日,最後一次反攻200天線失敗後,便展開既快且急的數千點大跌浪。 「操作九律」,大巧不工,卻能讓戴維斯屹立美國股壇數十載。篇幅有限,其他金律,容後再作介紹。  

Read more

【 莫家強 】期權短評 – Debit Put Spread下星期初定去留

大市已升近淡倉既「止蝕位」,講講做法。 我提議既策略,有兩種。第一種係SPH,上過期權班既朋友一定會識做,好處係贏面高。第二種係Debit Put Spread,係有限風險睇淡既策略。 先講SPH。呢一刻仍會有錢賺,我認為可以take profit。現時,大市要再跌至25500點或以下既機會已經唔大。跌唔落,基本上都幾肯定今次只能賺安慰獎,可以先平倉,再等機會。 Debit Put Spread,係純粹睇淡既策略,由1月9號開倉到依家,恒生指數差唔多升咗600點,所以無可避免要輸啲錢。我自己,會睇多兩日,到下星期二如果個市繼續唔跌,就會逐步減淡。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – Naked Short Call,唔好做咁多

首先,講一樣嘢。上過我期權班既朋友,應該會記得,我第一堂就會講,Naked Short Call,盡量唔好做。 第一,識睇期權價格既話,相信都會知道,呢個策略本身係無乜著數,就算賺到,通常回報都唔會多。第二,輸既話,風險好大,愈輸會愈加速,風險好大。 有朋友上星期做咗Short Call,問我可以點救。老實講,用錯策略,挾咗先問,真係無乜嘢可以做,唯有止蝕。 所以,首先,我開淡倉,通常會用有限風險既策略,例如係Debit Put Spread。呢種策略既好處係,估錯方向都好,Delta會一路減少,即係會愈輸愈慢。相反,估中方向,有一段Delta會持續增加,即係會愈賺愈快。 估啱方向,固然開心;萬一估錯,要救倉,都有得救。因此,策略選擇都好重要。 至於恒指,已不經不覺回升至通道頂,加上已升近去年12月5日,下跌裂口既阻力位,我自己睇會有調整,暫時目標為通道中線大概25000點水平。止蝕位,為12月高位27260點。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【紅猴股評】你究竟需要什麼投資產品?

2018年的投資市場並不平坦,環球股市的波幅相當巨大。有調查顯示,所有資產總類中93%的投資是輸錢的,上一次出現這種情況已經要倒數於1901年。中港股市方面,對大部份投資者言,今年也不好過,恒生指數至10月累跌16.5%,全年最終跌13.6%,而國企指數則全年跌13.5%,市場稱長勝基金的,全年跌了近18%,香港知名基金公司的旗艦基金跌23%,崇尚價值投資的基金跌24%,在傳媒較高調的基金經理,其管理基金更跌約28%。 評價投資標,只看一年意義不大,雖然看兩年也太短,不過2017年大型升市,2018年中型跌市,算是經歷了一個牛熊週期的主要部份,也具參考價值。若計過往兩年,恒生指數仍累升17.5%,國企指數則只升7.8%,市場稱長勝基金的升28%,香港知名基金公司的旗艦基金升11%,崇尚價值投資的基金跌8%,在傳媒很高調的基金經理管理的基金則13%,大家可參考一下,那類基金較適合自己。 當被問到「你究竟需要什麼投資產品?」,很多人的第一反應會是「我需要回報高的投資產品」。若只得這個要求,其實很容易便可辦到,因為買六合彩便行,回報超高,好像2019年第一期六合彩,頭獎回報約560萬倍,安慰獎也有3倍。不過,大家也知道,就算是40港元的安慰獎,命中的機會也不高,而不中便全輸,回報是負100%。 將時間拉長,投資不理想的,往往是選擇投資產品時只看回報的一群,較精明的投資者,除了回報外,選擇投資產品時也會考慮風險因素,即是會衡量其價格波動性。舉例一隻基金A,前年價格升了50%,可是其波動性非常大,去年價格跌了30%,結果兩年總回報只有5%,若果投資者不理會其波動性,於去年初只因前年的亮麗表現而投資此基金,全年便賬面上虧損了30%,假如投資者因跌幅過大,擔心到贖回基金,賬面虧損便會變成實際虧損,約今年股市轉牛,此基金價格爆升也享受不到。 很多投資者看事情太過平面,沒有立體性,並沒考量基本人性及自己的心理狀況,所以也不會設想上段描述的情況。舉另一個例子,一隻基金B,前年價格只升了30%,大幅落後基金A,可是其波動性較小,去年價格只跌了10%,結果兩年總回報有17%,反而明顯跑贏基金A,更重要的是因其在跌市下跌幅小,投資者不至於擔心到贖回基金,可安心持有享受其較穩定回報及較低風險的好處。 當然,若投資者能找到一個投資標,升市時回報理想及穩定,不需一定跑贏大市,跌市時還能有正回報,按理應買入及攬著不放。

Read more

【 莫家強 】期權短評 – 繼續睇24500點

  呢排個市其實幾好做。 淡倉底,跌得多可以隨量食吓糊。而反彈,久不久就出現,力度有,但持續時間唔長,變咗一開淡倉個市就跌,心理壓力較細。 睇返港股個市,成交繼續薄弱,下跌股票又多,大勢仲係向下居多。暫時,繼續先睇24500點。如果跌到,再睇支持力度,先考慮點做。 噚日講過,環球主要股市,基本上都係處於弱勢。全世界大把平股票買,變咗單靠一個平字,係唔足以令港股轉跌為升。暫時,仍然唔會諗買股票住。 順勢有錢賺,繼續原來既策略就已經可以。用有限風險既策略,計好數,無乜好擔心。未到24500點前,如果有市況有變,會再update大家。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

繼藥股之後,連保健品於藥店銷售也要被整頓?17 Dec 2018(By Larry Hung)

  今天國内的營養保健品公司湯臣倍健(SZ:300146)跌停,原因是剛剛週六國家醫療保障辦公室簽發法令,打擊醫療保障基金騙取行為。     根據網上資料,很可能國内不少民衆是依靠保健品購買來套取醫保,究竟國内保健品有多少銷售是源自於此,暫時我還不得而知,不過估計這個政策對湯臣倍健的影響較大。因爲湯臣倍健在藥店的銷售大概佔77%,其次是電商18%,最後才為商超5%。在國内,理論上醫保卡只能刷進和購買醫保目錄裡的藥品,這應該是既有的規定。但是,國内一直上有政策,下有對策,這個規定一直以來都沒被嚴控,因此實際上藥店可能會鼓勵/歡迎消費者用醫保卡來消費各種藥品以外的保健品、甚至日用品。新政策就規定以後會嚴控,因而湯臣倍健大跌。     反之而言,同業H&H國際(1112)則主要是通過網上銷售(理論上不能套取醫保?如有錯,請指正),大概佔上90%的銷售。     H&H國際的保健品業務未來發展重點是在綫下,其中一個方向是依賴奶粉業務的母嬰店渠道一同銷售,其次再發展商超、藥店等渠道。     這次事件會否反而令H&H國際收益,從而趕超湯臣倍健,暫時就不得而知。不過看H&H國際今天股價則沒有受到相關新聞影響,未來數天要持續關注。         (利益申報:筆者為持牌人士,於執筆時,筆者或相關人士或客戶,持有H&H國際(1112)) (以上純屬個人研究心得分享,並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)   ———————————————————————   【市跌揸長倉、怎獲正回報 – 實例展示篇】   日期:2018年1月15日(星期二) 時間:19:15 – 21:15 地點:尖沙咀金巴利道35號金巴利中心1303室 費用:$400 導師:紅猴(Michael Kan)及Larry Hung     [報名: 請按以下LINK網上填表] http://homebloggerhk.com/apply/ *必須填寫「1名稱」「2電話」「3電郵」「4課程編號 = TEST2X」 【查詢:WhatsApp → 9101 0168】 【查詢: E-Mail → [email protected]

Read more

【 莫家強 】期權短評 – 環球跌市,主調仍是造淡

  先祝大家新年進步。 之前一直都講,方針係中線睇淡,恒指目標暫時仍睇24500點,但有機會轉變。會再觀察住個市,有變再update大家。 呢啲市,短期既升跌,真係無得估。新年前,港股仲好地地咁升,加上美股又向上,講真,邊個會估到今日可以跌成咁。睇返今朝出面好多市評,都睇錯哂。但只要睇長少少,就會容易睇好多。以中線情況去睇,港股此刻仍未有睇好理由,用有限風險既期權策略造淡,仍然係策略主調。 另外,如果大家有睇環球MSCI指數,就會知道我哋現正係處於一個環球跌市之中,主要股市之中,基本上全部都差。硬係要揾比較好既,只有新西蘭、印尼。 再俾多幅圖大家睇。 圖中有三條線,係三隻ETF 2018年既走勢。最好果條,係MSCI 香港ETF,成份股中無中資股,一年回報跌12.72%。中間果條,係MSCI A股ETF,一年回報跌30.96%。最差果條,係土耳其,一年回報跌44.12%。 睇完,我諗大家會明白多啲嘢。 總結,環球跌市中,全世界會有大把股票買,因此,單靠估值便宜呢個因素,絕對唔足以令個市轉跌為升。要睇升,我會等個市既走勢完全先做。暫時,策略仍會以造淡為主。用有限風險既方法,計好數先做,風險就唔會高。 最後,今晚有課堂,會講更多部署方法。報咗名既朋友,今晚見。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【紅猴股評】國際家居零售(1373)最新業績簡評

  主力經營「日本城」的國際家居零售(1373)於今天收市後公布至今年10月的中期業績,收入按年升2%,毛利按年升3%,毛利率由去年同期的46.3%升至46.7%,但比去年度下半年的47.2%低。藉成本控制得宜,純利按年升24%,純利率由去年同期的3.7%%升至4.5%。不過,中期息只由每股$0.52升至$0.53。 (資料來源:公司年報)     香港業務收入佔比仍是重中之重,上半年佔整體87.8%,其次的新加坡業務收入按年有所下跌,佔整體10.5%。 香港業務上半年淨利潤為5,100萬港元,按年升16%,淨利潤率由去年同期的4.8%升至5.4%。 新加坡業務雖然上半年收入按年下跌,但精簡店舖下,同店銷售反錄得 6%增長。另外,集團藉引入新產品,同時按計劃增 加SKU(貨品種類)數量,使毛利率有所改善。 (資料來源:公司年報)     看資產負債表及現金流量表,集團財務上仍非常健康,今年10月的淨現金增至3.77億港元,去年度的ROE亦增至14.4%。  (資料來源:公司年報)   有投資者認為Miniso是日本城競爭對手,但我不大認同,其實只消逛逛Miniso,便知其SKU明顯較少,整體產品亦非正面競爭,最近有投資友儕見過集團管理層,也表示Miniso非主要競爭對手,HKTVmall才是!集團已有網店,但最新業績未有提及其表現,已暗示貢獻仍少。  (利益申報:筆者為持牌人士,於執筆時,筆者或相關人士或客戶,未有持有上述股票) (以上純屬個人研究心得分享,並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)

Read more

【 莫家強 】期權短評 – 做Debit Put Spread既原因

呢排估短線方向,都唔會好中。但其實問題唔大。今日,想分享我自己既部署。 噚日,大概26200點位置,我自已做咗第一注淡倉,策略係用較長期既Debit Put Spread。另種方法,好處係,風險有限,同有仇報。 有朋友問,可唔可以做Long Put,我覺得都可以既,但就要記住要小注、高槓桿,同埋要有輸哂拎出到既金額既準備。Long Put,有一個唔好處,就係有時間值損秏。如果頭幾日錯方向,就唔係咁容易追返。 做長期Debit Put Spread,唔同既地方係,未必一定會輸時間值,只要「最後」方向正確,就會有時間值賺。而玩呢種策略,其中一個重點,係要揀適合既期權月份開倉。揀得啱,短期就算要挨價,最後都有機會贏返。 落第一注淡倉,係因為到咗第一個阻力位。下一步,我會等恒指出現陰燭,就會加第二注淡倉。 好多朋友話呢個係政治市,睇圖無乜用。其實都係,呢排用圖表方法去睇市,我自己都時有中招。所以,策略既時期我拉長咗,買既就係特朗普嚟緊呢幾個月內會再反口。 做Debit Put Spread,原因係,就算最後真係估錯市,都唔會死人。相反,如果估啱,回報會比風險更高。呢個就係我做以上部署既原因。 趕緊篇講淡倉部署既文。識得點做,就唔會怕被挾淡倉輸大錢。有興趣既朋友可以留意。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室